•  Kırım Derneği Genel Merkezi
  •   +90.312.419 47 49
  •   info@kirimdernegi.org.tr
  • Qıymetli balalarımız, qıymetli azalarımız…

    “23 Ulusal Egemenlik ve Çocuk Bayramı”mız Hayırlı Olsun…

    Dünyadaki balalarğa ediye etilgen ilk ve tek bayram oluv hususiyetini taşığan, uzun yıllardır halqara bir kimlik qazanğan bayramımıznı, ne yazıq ki bu yıl, em de 100-ünci yılında meydanlarda ve büyük tantananen qayd etip olamaymız. Aslında Şefiqa Gaspıralı Qadın İnisiyatifi olaraq azırlıqlarımıznı bitirgen edik. Qırım ve Kyivden kelecek balalarımıznı mındaki qardaşları evlerinde musafir etecek ve bayram quvançını beraber yaşaycaq ediler, amma qısmet degil eken. Bizler de koronavirus qırğınlığınıñ bütün dünyada şiddetnen devam etkeni sebebinden planlarımıznı deñiştirmege mecbur oldıq.

    Tehnologiyanıñ  daa da çoq ayatımızğa kirgen şu künlerde, elbette, nimetlerinden faydalanmaq kerek. Bu tüşüncenen qırğınlıq sebebinden evlerinden çıqamağan ve Türkiyege kelemegen balalarımıznıñ er birinden öz imkânlarınen çıqarğan videolarını istedik. Ana-babaları da öz imkânlarınen tırışıp bizğe qol tuttılar. Olarğa Cıyın Ansambli ve Dernegimizniñ muzıka derslerine qatnağan qardaşları da qoşuldı. Böylece, balalarımız bu yıl 23 Nisan quvançını internet vastasınen sizlerge de yetiştirdi.

    Bugünge qadar kelgen ve kelecek olğan videolarnı 23 Nisan sabası http://www.kirimdernegi.org.tr/ adresinden, yani Dernegimizniñ internet sitesinden ve resmiy Facebook saifelerimizden sizlernen paylaşıp, balalarımıznıñ quvançına ortaq olacaqmız. Sizlerni de biznen beraber olmağa ve bu güzellikni yaşamağa davet etemiz.

    Şefiqa Gaspıralı Qadın İnisiyatifi


    Gülnara Bekirova Alidinova / Qırımtatar Milliy Meclisi Azası


    Evelina Kurtseitova/Kırım Ailesi-Kiev


    Amide Seitvelieva/Cenişke-Ukrayna

     

    Pin It