.jpg)
Dr. Ahmed İhsan Qırımlı adına III. Edebiyat Yarışı Qırım Dernegi Umumiy Merkezi ve Qırım Vaqufı tarafından teşkil etile.
Qırımtatar diasporasınıñ dünyaca belli erbaplarından Qırım Dernegi ve Qırım Vaqufı Umumiy reisi merhum Dr. Ahmed İhsan Qırımlı adına teşkil etilgen yarış 2010–2011 senesi ilk olaraq şiir sahasında keçirildi ve Dilâra İbrahimova birinci yerni qazandı. 2012–2013 senesi keçirilgen yarış ikâye sahasında tertip etildi ve Enver Toqtarov birinci oldu. 2013-2014 senesiniñ yarışı ise 18 Mayıs 1944 sürgüniniñ 70 yıllığı münasebetineñ 1783’ten başlap dünyağa darqalğan Qırımtatar halqınıñ muacerette yaşağan horluqlarınen 1944’te sürgün etilğen halqımıznıñ facialı devirlerni anlatqan aile ikâyelerine bağışlanacaqtır. İkâyeler bu mevzuda olmaq kerektir.
Qırımtatar Milliy Meclisiniñ himayesinde Qırım Dernegi tarafından teşkil etilgen yarışnıñ teşkiliy komiteti: Qırım Dernegi (Anqara), Qırım Vaqufı (Anqara), Qırımtatar Milliy Meclisi, Qırım Mühendislik ve Pedagogika Üniversiteti, Qırım Haber Ajansı (QHA).
.jpg)
Yarışnıñ baş sponsorı QırımVaqufı. Ayrı şahıs ve teşkilâtlarnıñ bu fondğa qoşacaq isseleri mükâfat raqamlarınıñ koterilüvini teminleycek . Qırım Derneginiñ umumiy qanunlarğa köre dernek olması sebebinden yarışqa yapacaq maddiy qoltutuvı vergilerden tamamen azat olacaqtır.
Eserlerni 2014 senesi yanvar 31-ge qadar This email address is being protected from spambots. You need JavaScript enabled to view it. adresine yollamaq kerektir.
Yarışnıñ qaideleri asttaki kibi belgilendi:
a. Eserler eki yaş kategoriyasına köre qabul etilecekler:
– 17-29 yaş arası (doğum tarihı 01.01.1983–31.12.1995 arası olğan gruppa)
– 12-16 yaş arası (doğum tarihı 01.01.1996–31.12.2000 arası olğan gruppa)
2- Eserler Qırımtatar halqınıñ Milliy Qurultayı tarafından qabul etilgen latin elifbesinen qırımtatarca yazılması şarttır.
3- Yollanacaq eser yaki eserler, daha evel hiç bir yerde ve hiç bir usulnen neşir etilmemek kerektir.
4- Yarışqa bir qaç esernen iştirak etmek mümkündir.
5- Yarışnı teşkil etken teşkilâtlarnıñ idaresi, Yuqarı Şura ve yarış komissiyasına aza olğan şahıslarınıñ qorantalarına ait kişiler yarışqa iştirak etip olamazlar.
6- Yollanacaq eser, yarışnıñ İnternet saytında numayiş etilgen nümune eser qalıbı boyunca hazırlanmalı.
7- Müracaatlar İnternet vastasınen e-poçtanen yapılacaq.
8- İştirakçiler eserlerinen beraber pasportlarınıñ ya da doğum haqqında şehadetnameleriniñ skanerden keçirilgen kopiyalarını ve qısqa tercimaillarını (avtobiografiyalarını/özgeçmişlerini) yibermek kerektirler.
9- 2013–2014 senesi yarışnıñ soñki müracaat tarihı – 2014 s. yanvar (ocak) 31 künidir.
10- Yarışnı teşkil etken teşkilâtlar yarışqa yollanğan eserlerniñ, ğalebe qazanğan ya da qazanmağanlarına baqmayıp, neşir etüv hususunda tam haq-huquqqa sahiptirler.
11- Yarışqa birden ziyade eser yollağan iştirakçiler tek bir esernen ğalebe qazanabilecekler.
12- Yarışta ğalip tanılğan ilk 10 iştirakçi, mükâfatları berilmezden evel Yarış komissiyası tarafından mülâqattan (suhbetten) keçirilecekler, yalıñız mülâqattan (suhbetten) soñ mükâfat qazanğanlarnıñ adları ilân etilecek.
Mükâfatlar :Yarış komissiyası birinci, ekinci, üçünci yerni qazanğan ve ümüt bergen laureatlarnı belgileycek.
17–29 yaş kategoriyası içün mükâfatlar:
1-inci yer : 4000 $
2-inci yer : 2000 $
3-ünci yer : 1000 $
* Ayrıca komissiya tarafından saylanğan 5 kişige rağbetleyici mükâfat berilecek.
12-16 yaş kategoriyasında olğan ve komissiya saylağan farqlı beş eserniñ müellifine laureat olaraq 200 $ para mükâfatı berilecek.
Müracaat: Yarışqa müracaat usulı e-poçtanen yapılacaqtır. Başqa usulnen yiberilgen hikâyeler yarışqa qoşulmaycaqtır.
Müracaatlar içün e-poçta adresi: This email address is being protected from spambots. You need JavaScript enabled to view it.
Eserler aşağıdaki talaplarğa köre hazırlanmalı:
Format: MS Word 2003 (*.doc); hariflerniñ şekli: Times New Roman; hariflerniñ büyükligi (punto): 12; satırlar arasındaki boşluq: 1,5 satır.
İlk sahifede eserniñ adı, iştirakçiniñ adı ve soyadı, doğum tarihı, cep telefonı nomerası, ev adresi, e-poçta adresi, oquğan mektebi (okulu)/çalışqan yeri kibi malümatlar yer almalı. Eserlerniñ kölemi, ilk sahifenen beraberlikte eñ çoq 15 sahife olmalı.
