Millî kahramanımız Noman Çelebi Cihan’ın Bolşevikler tarafından şehit edilişinin 108’nci yıl dönümü münasebetiyle 21 Şubat 2026 tarihinde Genel Merkezimizde Noman Çelebi Cihan ve Kırım Şehitlerini Anma Günü Programı gerçekleştirildi.
Program, Gençlik Komisyonu Başkanı ve Yönetim Kurulu üyemiz Samet Cengiz,
Genel Başkanımız Mükremin Şahin,
Ukrayna’nın Ankara Büyükelçisi Nariman Celal’in Çelebi Cihan’ı anlatan konuşmaları ile başladı.
Çelebi Cihan’ın aynı zamanda Kırım Tatar milli marşı olarak da bestelenen “Ant Etkenmen” şiiri Gençlik Komisyonumuz üyesi Aziz İlyasov tarafından,
Amdi Geraybay’ın “Mende Ant Ettim” şiiri Gençlik Komisyonumuz üyesi Hanzade Aktaran tarafından ,
Şakir Selim’in “Yaralanğan Türküler” şiiri ise Gençlik Komisyonumuz üyesi Vehbi İldar Şahin tarafındani okundu.
Programın ikinci bölümünde Kırım Vakfı Yönetim Kurulu üyesi Prof. Dr. Enver Aydoğan ve Fuat Gökçebay tarafından Yasin-i Şerif ve Kur'an-ı Kerim tilavet edildi.
Anma ve Dua programı Derneğimiz önceki dönem Genel Başkan Yardımcısı Ömer Özel tarafından Kırım Tatarca dua yapılarak sona erdi.
Dua metni aşağıdaki gibidir.
Ey! yerni, kökni ve bular arasındakilerni yaratqan, dualarımıznı eşitken, er bir şeyni bütünley bilgen ulu Allam,
Bütün maqtavlar, dualar ve yalvaruvlarımız sañadır, yalıñız saña qulluq eter, seniñ ogünde boyun egip senden yardım tilermiz,
Ey şanı yüce Allam;
Yüce kitabıñ Quranı Kerimde “Maña dua etiñ, qabul eteyim”, dep buyurasıñ, mına biz de saña dua etmek, añtlı şeidimiz Noman Çelebi Cihannı, bütün Qırımtatar şeitlerini, sürgünlik ve muhaceret qurbanlarını añmaq içün şu yerde toplaştıq. İnanamız, sen afu eticisiñ, afu etmekni sevesiñ; bizni, ana-babamıznı, qorantamıznı ve bütün musulmanlarnı bağışla, bizni acı! Bizge doğru yolnı körset, bizni qıyış-yaman yollarğa ketmekten qorçala, bu dünyada da ahirette de bizge eyilik-yahşılıq yaz Allam!
Ey yüce Rabbimiz;
Mına, demin oqulğan Yasin-i Şerifni, surelerni ve ayet-i kerimelerni; vatandaşlarımıznıñ oqup bağışlağan hatimlerini ve aşirlerini; bütün dua, kelime-i tevhid ve salavatlarımıznı, tutqan orazalarımıznı qabul eyle, Allam.
Bularnıñ savabını, eñ başta peyğamberimiz Hz. Muhammed Mustafa (SAV) efendimizniñ aziz ve paq ruhuna ediye eyledik, iriştir Allam,
Peyğamberimizniñ ashabına, ehl-i beytine ve bütün peyğamberlerniñ ruhlarına da ayrı-ayrı bağışladıq, qabul eyle, Allam,
Adları unutılğan, soyları kesilgen kimselerniñ de ruhlarına ediye eyledik, olarğa da yetkiz Allam,
1783-ünci yılda Rus Çarlığınıñ Qırımnı işğalinden soñ, yıl-yıldan artqan zulum ve basqılar sebebinden; dinini, tilini, can ve namusını qorçalamaq içün tuvğan toprağını terk etmege mecbur olunğan, qıyın köç yollarında yaki köçip barğan topraqlarda köz yumğan atalarımıznıñ ruhlarına bağışladıq, qabul eyle Allam.
Ayrıca, Qırımnıñ milliy küreşinde pek mahsus yerleri olğan; “Tilde, Fikirde, İşte Birlik” şiarı ile bütün Türk ve İslâm âlemini uyandıruv ideali oğrunda ömrini feda etken İsmail Bey Ğaspıralınıñ ve arqadaşlarınıñ, 1937-nci ve 38-nci yıllarda kütleviy surette atılıp öldürilgen ziyalılarımıznıñ ruhlarına,
18 May 1944 büyük Qırımtatar Sürgüni vaqtında can bergen köbüsi balaçıq, apaqay ve qart onbiñlernen Sürgün qurbanlarınıñ ruhlarına da bağışladıq, qabul eyle Allam.
Sürgünlik vaqtında ğurbet illerde milliy hareketimizni başlatıp halqımıznıñ vatanğa qaytışına isse qoşqan ve bugün hayatta olmağan bütün faallerimizniñ ruhlarına bağışladıq qabul eyle Allam.
Soñki dört yıldan berli, Rusiyeniñ Ukraynanı işğaline qarşı cenkleşe ekende şeit olğan yigit Qırımtatar askerlerimizniñ ve öz canlarını vatan oğrunda feda etken kerek Ukrayin kerek başqa halqlardan bütün qaramanlarnıñ, ve dahi Rusiyeniñ türmelerinde ölümge makum etilgen qardaşlarımıznıñ ruhlarına bağışladıq yetkiz Allam.
Ve hususan, 1918-nci yılnıñ fevral-şubat ayınıñ 23-nci künü, 33 yaşında ekende, bolşevikler tarafından kiyikcesine-vahşiyce şeit etilip, naaşı Qaradeñizge atılğan, “Ant Etkenmen, söz bergenmen millet içün ölmege” dep halqımızğa yolbaşçılıq etken, Qırım Başmüftisi, Qırım Ahali Cumhuriyetiniñ Başnazırı Şeit Noman Çelebi Cihannıñ aziz ruhuna bağışladıq, iriştir Allam, mekanını cennet eyle Allam,
Mına şu duağa qoşulğan, qol köterip âmin, âmin degen sayğılı cemaatımıznıñ da cümle keçmişleriniñ, soy-soplarınıñ ruhlarına bağışladıq, yetkir Allam.
Yatqan qabirlerini yarıqlat, baracaq yerlerini cennet eyle Allam!
Töşeklerinde avurıp yatqan hastalarımızğa küç-quvet ve tez şifalar ber! Dertlilerimizni de dertlerinden qutar Allam.
Milletimizni, vatanımız Qırımnı ve Türkiyeni ve dahi bütün İslâm memleketlerini er türlü afatlardan, belâlardan, yamanlıqlardan qorçala! Qaranğı ve qorqunçlı künler keçirgen Qırımnı ve Ukrayinanı duşman ücüm ve talavlarından tezinden qutarıp azat eyle Allam.
Bizlerge er daim tınçlıq içinde doğru yaşamaqnı nasip et Allam.
Bugünde bugün Vatanımız Qırımda Rusiye nezareti astında ağır ve azaplı yaşayışğa mecbür etilgen ya da türmelerde-apislerde oturğan qardaşlarımızğa hayırlı qurtulışlar nasip eyle, tez vaqıtta qorantalarınen qavuştırıp quvandır Allam.
Milletimizni, dinimizni ve tilimizni saqla! Dualarımıznı qabul eyle!
ÂMİN! ÂMİN! ÂMİN!
"Subhâne rabbike rabbi-l 'izzeti ammâ yasifûn, ve selâmün alel murselîn, vel hamdü lillâhi rabbil âlemin." El-FATİHA!
